इंग्लिस प्रिमियर लिगमा गएराति भएको खेलमा म्यानचेष्टर युनाइटेड र ब्राइटन विजयी भएका छन्।
म्यानचेष्टर युनाइटेडले लुटन टाउनलाई २-१ गोलले पराजित गर्दा ब्राइटनले शेफिल्ड युनाइटेडलाई ५-० गोलले पराजित गरेको हो।
केनिलवर्थ रोडमा लुटन टाउनविरूद्ध रोसमुस होजलन्डले दुई गोल गरे। उनले खेलको पहिलो र सातौं मिनेटमा गोल गरेका थिए।
१३ औं मिनेटमा लुटन टाउनका कार्लटन मोरिसले गोल गरेपनि त्यसपछि कुनै गोल हुन नसक्दा युनाइटेड २-१ गोलले विजयी भएको हो।
त्यसैगरी बर्मल लेनमा शेफिल्ड युनाइटेडलाई ५-० ले पराजित गर्दा ब्राइटनका सिमोन एडिंग्राले २ गोल गरे।
७८ औं र ८५ औं मिनेटमा सिमोले गोल गर्नुअघि खेलको २० औं मिनेटमा फाकुन्डो बउनानोटले र २४ औं मिनेटमा ड्यानी वेलबेकले २४ औं मिनेटमा गोल गरेका थिए।
७५ औं मिनेटमा शेफिल्डका ज्याक रबिन्सनले आत्मघाती गोल गरेका थिए।
म्यानचेष्टर युनाइटेड ४४ अंकसहित तालिकाको छैटौं स्थानमा र ब्राइटन ३८ अंकसहित सातौं स्थानमा छ।
पराजित भएको लुटन टाउन २० अंकसहित १७ औं स्थानमा र १३ अंकसहित शेफिल्ड युनाइटेड पुछारमा छ।
