पिस प्वाइन्ट १२ औं लोयल्टी कप यु–१३ अन्तरविद्यालय छात्र फुटबल प्रतियोगितामा सोमबार क्वाटरफाइनलमा प्रवेश गरेको छ।
पिस प्वाइन्टले दोहोरो जित आत्मासात् गर्यो। पहिलो खेलमा पिस प्वाइन्टले आयोजक लोयल्टी एकेडेमी ‘ए’ लाई ५–० गोलले हरायो।
पिस प्वाइन्टका हिमाल थिङले ४ र रुपेश खड्काले १ गोल गरे । अर्को खेलमा पिस प्वाइन्टले इस्टपोललाई ६–१ गोलले हरायो । पिस प्वाइन्टका दिवस रोका र हिमाल थिङले ह्याट्रिक गरे । इस्टपोलका संस्कार सिवाकोटीले सान्त्वना गोल गरे।
काष्ठमण्डपले नेक्ससलाई ३–० ले पाखा लगायो। काष्ठमण्डपका सुप्रिम बोहरा, सदिन प्रसाईं र ब्रम्ह बस्यालले समान १–१ गोल गरे । इस्टपोलले लोयल्टी ‘बी’ माथि ७–० को सहज जित दर्ता गर्यो । इस्टपोलका रोनिश दाहालले ४, रोजन तामाङले २ र सोनाम तामाङले १ गोल गरे।
ब्रम्हकुञ्जले नेक्ससलाई २–० गोलले पन्छायो । विजयी टिमका लागि एलेक्स कुँवर र सफल पन्तले समान १–१ गोल गरे । अर्को प्रतिस्पर्धामा भने ब्रम्हकुञ्जले काष्ठमण्डपसंग गोलरहित बराबरी खेल्यो ।
