वाफ वुमेन्स च्याम्पियनसिपमा नेपालले इराकमाथि ५-० गोलको सानदार जित हात पारेको छ।
बिहीबार साउदी अरेबियामा भएको समूहको आफ्नो दोस्रो खेलमा नेपालले उत्कृष्ट जित निकालेको हो।
नेपालको जितमा पाँचै गोल सावित्रा भण्डारी साम्बाले गरिन्। यससँगै उनले नेपालका लागि ५० अन्तर्राष्ट्रि गोलसमेत पूरा गरिन्।
साम्बाले खेलको १४, १६ र ३७ मिनेटमा गोल गर्दै ह्याट्रिक पूरा गरिन्। यस्तै ४४ मिनेटमा चौथो गोल गर्दा ७९ मिनेटमा पाँचौ गोल गरिन्।
सावित्राले नेपालका लागि पाँचौं ह्याट्रिक गरेसँगैनेपालले समूहमा ६ अंक जोडेको छ भने सेमिफाइल यात्रा बलियो बनाएको छ।
अघिल्लो खेलमा नेपालले सिरियालाई ४-१ गोलले हराएको थियो। अब अन्तिम खेलमा नेपालले प्यालेस्टाइनसँग खेल्नेछ।
