न्युरोड टिम (एनआरटी) केपी ओली कप फुटबल प्रतियोगिताको सेमिफाइनलमा पुगेको छ।
आइतबार एन्फा कम्प्लेक्समा भएको खेलमा एनआरटीले थ्रीस्टार क्लबलाई १-० गोलले पराजित गर्दै अन्तिम चारमा स्थान पक्का गरेको हो।
एनआरटीको जितमा विवेक गुरुङले गरेको गोल निर्णायक बन्यो।
विवेकले खेलको २८ मिनेटमा फ्रिकिङमार्फत् उत्कृष्ट गोल गरेक थिए।
प्रतियोगितामा आजै त्रिभुवन आर्मी क्लब र नेपाल पुलिस क्लब प्रतिस्पर्धा गर्दैछन्।
