केपी ओली कप फुटबल प्रतियोगिताको सेमिफाइनल समिकरण पूरा भएको छ।
मंगलबार एन्फा कम्प्लेक्समा भएको अन्तिम क्वार्टरफाइनल खेलमा मछिन्द्र क्लबले जित निकालेर अन्तिम चारमा स्थान पक्का गरेसँगै सेमिफाइनल समिकरण पूरा भएको हो।
मछिन्द्रले नेपाल पुलिस क्लबलाई ४-० गोलले पराजित गर्यो।
मछिन्द्रले चारै गोल पहिलो हाफमा गर्यो। मछिन्द्रका लागि चिजोबाले पाँचौ र एघारौं मिनेटमा गरी दुई गोल गरे।
यस्तै विनोङले छैटौं मिनेटमा गोल गर्दा पुलिसका रामचन्द्र वाजीले ३७ मिनेटमा आत्मघाती गोल गरेका थिए।
अब सेमिफाइनलमा न्युरोड टिम र जावलाखेल युथ क्लब तथा मछिन्द्र क्लब र दिल्ली एफसीबीच खेल हुनेछ।
दुवै सेमिफाइनल दशरथ रंगशालामा बिहीबार हुनेछन्। प्रतियोगिताको फाइनल शनिबार दशरथ रंगशालामा हुनेछ।
