स्पेनिस ला लिगामा बार्सिलोनाको शतप्रतिशत जितको यात्रामा पूर्णविराम लागेको छ।
शनिबार राति भएको खेलमा शीर्ष स्थानको बार्सिलोनालाई ओसासुनाले ४-२ गोलले हरायो।
ओसासुनाले पहिलो हाफमा दुई गोलको अग्रता लियो। उसका लागि बुडिमिरले १८ र जारागोजाले २८ मिनेटम गोल गरेका थिए। बार्सिलोनाका पाउल भिक्टरले ५३ मिनेटमा गोल फर्काए।
तर बुडिमरले ७२ मिनेटमा तेस्रो र ब्रेटेन्सले ८५ मिनेटमा चौथो गोल गर्दा ओसासुना जिततर्फ अघि बढ्यो।
बार्सिलोनाका लागि लमिन यामलले ८९ मिनेटमा गोल गरेपछि त्यो खेलमा फर्कन पर्याप्त हुन सकेन।
लिगमा यसअघि लगातार सात खेलमा जित निकालेको शीर्ष स्थानको बार्सिलोनाको २१ अंक छ। एक खेल कम खेलेको दोस्रो स्थानको रियल म्याड्रिडको १७ अंक छ भने ओसासुना १४ अंक जोडेर छैटौं स्थानमा उक्लिएको छ।
