अखिल नेपाल फुटबल संघ (एन्फा) लाई एसियाली फुटबल महासंघ (एएफसी) को अनुशासन तथा आचारसंहिता समितिले कारबाही गरेको छ।
समितिको गत अगस्ट २१ बसेको बैठकले नेपाललाई कारबाही गरेको विवरण एएफसीले आफ्नो वेबसाइटमा राखेको छ।
एएफसी फुटबल एसियन कप इन्डोनेसिया २०२६ को छनोटबाट नाम फिर्ता लिएको भन्दै एन्फामाथि कारबाही गरिएको हो।
प्रतियोगिताको नियमअनुसार नाम फिर्ता खेल सुरु हुनुभन्दा १०६ दिनअघि मात्र पाइन्छ। तर एन्फाले यो नियम तोडेपछि समितिले नेपाललाई कारबाही गरेको हो।
यो नियम तोडेको एन्फाले स्वीकार समेत गरेको छ। गल्ती स्वीकार गरेसँगै नेपाललाई अर्को संस्करणको एएफसी फुटसल एसियन कपमा भाग लिनबाट बञ्चित गइएको छ। यस्तै एन्फालाई १० हजार अमेरिकी डलर समेत जरिवाना गरिएको छ।
यो जरिवाना एन्फाले सेप्टेम्बर २० सम्ममा तिर्न पर्नेछ।
फुटसल एसियन कपको छनोट २० सेप्टेम्बरदेखि सुरू हुँदैछ। छनोटमा ३१ देशले विभिन्न आठ समूहमा प्रतिस्पर्धा गर्दैछन्। जसबाट १५ टोली छनोट हुनेछन्। आयोजक इन्डोनेसिया छनोट भएको छ भने अब आठ समूहका विजेता र उपविजेता पुग्नेछन्। यद्यपी आठ समूहमध्ये एउटा उपविजेता भने छनोट हुनेछैन।
हेर्नुहोस् एएफसीले गरेका विभिन्न अनुशासनका कारबाही
-1758107792.jpg)
-1746009348.jpg)
