नोभाक जोकोविचले युएस ओपन टेनिसको पुरूष एकल तर्फको उपाधि जितेका छन्।
अर्जेन्टिनाका आन मार्टिन डेल पोत्रालाई हराउँदै सर्बियाका जोकोविचले १४औं ग्राण्ड सालम उपाधि जितेका हुन्।
छैठौं वरियताका ३१ वर्षे जोकोविचले तेस्रो बरियताका डेल पोत्रोलाई ६–३, ७–६ (७–४) र ६–३ को सेटमा हराएर उपाधि हात पारेका हुन्।
जोकोविचले यसअघि जुलाईमा विम्बल्डन टेनिसको उपाधिसमेत जितेका थिए। लगातार ग्राण्डसलाम उपाधि जितेका जोकोविच अब विश्व वरियतामा चौथो स्थानमा उक्लिने भएका छन्।
रोजर फेडेररले २० तथा राफायल नाडालले १७ पटक ग्राण्ड सलाम उपाधि जितिसकेका छन्। २९ वर्षका डेल पोत्रोले सन् २००९ मा युएस ओपनको उपाधि जितेपछि पहिलो पटक ग्राण्ड सलामको फाइनल खेलेका हुन्।
