मलेसियामा भएको आठौं जेविन मलेसिया ओपन तेक्वान्दो प्रतियोगितामा नेपाली टोलीले तीन स्वर्णसहित चार पदक जितेको छ।
शनिबार मलेसियाको क्वालालम्पुरमा भएको खेलमा पुरुष ४० केजीमुनि तौल समूहमा केनिश खड्काले स्वर्ण जिते। मलेसियन खेलाडीलाई फाइनलमा हराएका केनिशले च्याम्पियनसिप बेल्ट समेत हात पारे।
६६ केजी तौल समूहमा पनि गोविन्द योञ्जन तामाङले पनि स्वर्ण जित्न सफल भए। उनले स्वर्ण भिडन्तमा पाकिस्तानका खेलाडीलाई हराए भने च्याम्पियनसिप बेल्ट पनि प्राप्त गरे।
आयुश बोहराले स्पिड किकमा स्वर्ण जिते। उनले पनि च्याम्पियनसिप बेल्ट हात पार्दा फाइनलमा मलेसियन खेलाडीलाई पराजित गरे।
७४ केजीमुनि सन्दिप बस्नेतले रजत हात पारे। उनी स्वर्ण भिडन्तमा पाकिस्तानी खेलाडीसँग चुकेका थिए।
टोलीको प्रशिक्षकमा श्रीकृष्ण खड्का, म्यानेजरमा गणेशबहादुर खड्का र टोली प्रमुखमा महेन्द्रराज घिमिरे थिए।
-1754812957.jpeg)
-1746009348.jpg)
