सञ्चारकर्मी ऋषि धमला पत्नी एलिजा गौतमको निर्माण तथा अभिनय रहेको फिल्म अनुरागको छायाँकन दुई वटा गीत बाँकी राखेर सकाइएको छ। दरबारमार्गको एक क्लबमा गरिएको ‘कान्छा दाई गाना बजाइ देऊ न’ बोलको गीतमा एलिजा गौतम र कार्टुञ्ज क्रुजका सरोज अधिकारी फिचरिङमा छन् ।
युटुबमा निकै ख्याती कमाएका कार्टुन क्रुले थुप्रा गीतको कभर डान्स र थुप्रा गीतमा नृत्य गरेका छन् । फिल्म अनुरागको एउटा क्लब डान्स गीतमा कार्टुन क्रुका कोरियोग्राफर तथा लिड डान्सर सरोज अधिकारीले फिचर गरेका छन् ।’
कान्छा दाई गाना बजाइदेउन’ बोलको गीतमा नायिका एलिजा गौतम र सरोजले फिचर गरेका हुन् । गीतलाई ताराप्रकाश लिम्बुको संगीतमा तारा र ममता गुरुङले गायका हुन् । बिक्रम स्वारको कोरियोग्राफी रहेको यस गीतको भिडियोमा सरोज जस्तो डान्सर भैसकेपछि पक्कै जोडदार नृत्य हुने अनुमान गर्न सकिन्छ ।
गीतको शुटिंग सकिसकेको र छिट्टै गीत सार्वजनिक गरिने ’अनुराग’बाट आफ्नो डेब्यु निर्देशन गरेका सत्यराज चौलागाईंले जानकारी दिए । साथै फिल्मको २ वटा गीत बाहेक अरु सबै शुटिंग समाप्त भएको पनि उनले बताए ।
फिल्ममा नव नायक समुन्द्र पण्डित र नायिका एलिजा गौतमको मुख्य भूमिका रहेको छ । एरिका फिल्म्सको ब्यानरमा एक भिन्न सांगितक प्रेमकथालाई बोक्ने ’अनुराग’मा किरण दाहालको कथा, ताराप्रकाश लिम्बु र सरोज पोखरेलको संगीत, रामकुमार के.सीको छायांकन रहेको छ।
