चाहना मिडिया प्रालिले राष्ट्रकवि माधवप्रसाद घिमिरेलाई र ५१ हजार १११ रुपैँया सहित लाइफ टाइम एचिभमेन्ट अवार्ड प्रदान गर्ने भएको छ।
सो अवार्ड आगामी २०७५ साल वैशाख १५ गते प्रदान गरिने बताइएको छ। अवार्डबारे जानकारी दिन आयोजित पत्रकार सम्मेलनमा चाहना मिडिया प्रालिका अध्यक्ष सहदेव कोइरालाका अनुसार वरिष्ठ लोकगायक बुद्धिकृष्ण लामिछानेलाई रु ११ हजार १५१ नगदसहित विशिष्ट लोक साहित्यकर्मीका रुपमा सम्मान गर्ने कार्यक्रम पनि रहेको छ।
यसैगरी सांगीतिक क्षेत्रका विभिन्न ४२ विधामा अवार्ड प्रदान गर्नुका साथै वरिष्ठ गायिका प्राज्ञ हरिदेवी कोइरालालाई विशेष सम्मान गर्न लागेको काेइरालाले जानकारी दिए।
सांगीतिक क्षेत्रको विकास एवं विस्तारका लागि स्रष्टा र सिर्जनालाई सम्मान तथा प्रोत्साहन गर्नुपर्छ भन्ने सोचका साथ सो कार्यक्रम आयोजना गरिएकाे अध्यक्ष कोइरालाले बताए।
