प्रदीप भट्टराईको लेखन तथा निर्देशन रहने फिल्म 'महाजात्रा' को शुभमुहूर्त गरिएको छ।
बुधबार काठमाडौंको शोभा भगवतीस्थित विजेश्वरी मन्दिरमा शुभमुहूर्त गरिएको हो। फिल्मको शुभमुहूर्तसँगै छायांकन पनि सुरू गरिएको छ।
षट्कोण आर्टस ब्यानरमा निर्माण हुने फिल्ममा म्याक्स दीपेश खत्री र यज्ञश्वर पौडेल निर्माता छन्। फिल्मका कार्यकारी निर्माता रवीन्द्रसिंह बानियाँ हुन्।
फिल्ममा हरिवंश आचार्य, विपीन कार्की, रवीन्द्रसिंह बानियाँ, रविन्द्र झा, वर्षा राउत, दिव्य देव, गौमाया गुरुङ, शिशिर वाङदेल, प्रकार घिमिरे, प्रविन खतिवडा, अर्जुनजंग शाही, अरविन खड्कालगायत कलाकारको अभिनय रहने छ। फिल्मलाई पुरुषोत्तम प्रधानले छायांकन गर्नेछन्।
यो फिल्म चैत ९ गतेदेखि प्रदर्शन हुनेछ।
यो फिल्म 'जात्रा' र 'जात्रैजात्रा' को तेस्रो शृंखला हो। यसअघि प्रदर्शन भएका फिल्म 'जात्रा' र 'जात्रैजात्रा' ले बक्स अफिसमा राम्रो कमाइ गरेको थियो।
सबै तस्बिरहरू: महम्मद जलिम
