उदय सुब्बा निर्देशित फिल्म 'दुई कदम' को शीर्ष गीत सार्वजनिक गरिएको छ।
बिहीबार ओएसआर डिजिटल युट्युब च्यानलमार्फत फिल्मको गीत सार्वजनिक गरिएको हो। मुस्ताङमा खिचिएको गीतमा डेब्यू अभिनेता इओन लिम्बु र सिमोन गिरी फिचर्ड छन्।
प्रविशा अधिकारी र सिडी विजय अधिकारीको स्वर रहेको गीतमा तारा प्रकाश लिम्बुको संगीत तथा शब्द रहेको छ।
फिल्ममा इओन र सिमोनसँगै सुनिल थापा, कविता आले, सुरवीर पण्डित, प्रेम सुब्बा र गौरव पहारी, बुद्धि तामाङ, अर्जुन गुरुङ, बिमला लिम्बु, जीवन लिम्बु, चन्दा दाहाल, प्रितिका शर्मालगायत कलाकारको अभिनय छ।
अजम्बरी फिल्म्सको ब्यानरमा निर्माण भएको फिल्ममा तारा देवी लिम्बुको लगानी रहेको छ।
दयाराम घिमिरेको कथा तथा पटकथा लेखन रहेको फिल्ममा विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी र प्रविन ढकालको सम्पादन रहेको छ। फिल्मलाई रिच इन्टरटेनमेन्ट र एफडी कम्पनीले वितरण गर्दैछन्।
यो फिल्म मंसिर २९ गतेदेखि प्रदर्शन हुँदैछ।
