कवि दयाराम अर्यालले आफ्नो पाँचौं कृति बजारमा ल्याएका छन्।
काठमाडौंको कमलादीस्थित प्रज्ञा भवनमा आयोजित कार्यक्रममा 'अतीतका थुंगाहरू' समावेश कृति विमोचन गरिएको हो।
कार्यक्रममा एक दर्जनभन्दा बढी साहित्यकारले कृतिका बारेमा आफ्नो मन्तव्य राखेका थिए।
रक्त क्यान्सरबाट पीडित अर्यालले बजारमा ल्याएको 'अतीतका थुंगाहरू' मा ४० भन्दा बढी कविता समावेश गरिएको छ।
गोरखामा जन्मेका कवि अर्यालका यसअघि ४ वटा कृतिहरू बजारमा आइसकेका छन्।
