आज शुक्रबारदेखि फिल्म हलमा एक नेपाली र एक विदेशी प्रदर्शनमा आएका छन्। नेपालीतर्फ निश्चल बस्नेत निर्देशित फिल्म 'दिमाग खराब' र हलिउड फिल्म 'द मार्भल्स' प्रदर्शनमा आएका हुन्।
सिनेमा आर्टस र ब्ल्याक हर्स पिक्चर्सको संयुक्त निर्माण रहेको फिल्म 'दिमाग खराब' मा आकाश बरालको लेखन छ। फिल्ममा दयाहाङ राई, खगेन्द्र लामिछाने, स्वस्तिमा खड्का, अर्पण थापा, विजय बराल, सुमन कार्की, पुष्कर गुरुङ, माओत्से गुरुङ, राजन खतिवडा, रमा थपलिया, गौरभी आरएल सिंहलगायत कलाकारको अभिनय छ।
रौनक विक्रम कँडेल निर्माता र सुरज बम ठकुरी कार्यकारी निर्माताको रूपमा रहेको फिल्ममा सुसन प्रजापतिको छायांकन, निमेष श्रेष्ठको सम्पादन, जयन के वाइबा र बाबुल गिरीको संगीत, राजकुमार उप्रेतीको द्वन्द्व निर्देशन तथा रोहित शाक्यको ब्याकग्राउन्ड स्कोर छ।
हलिउड सुपरहिरो फिल्म 'द मार्भल्स' मा ब्रि लार्सन, इमान भेलानी, टेयोना पेरिस, सैमुएल एल ज्याक्सनलगायत कलाकारको अभिनय छ। निया डाकोस्टा निर्देशित फिल्म एक्सन र एड्भान्चर जनरामा बनेको हो।
'दिमाग खराब' को ट्रेलर:
'द मार्भल्स' को ट्रेलर:
