निर्माता किरण नेपाली कार दुर्घटना परी घाइते भएका छन्।
सिन्धुलीबाट काठमाडौं फर्किने क्रममा आइतबार साँझ उनी कार दुर्घटनामा परेका हुन्। यतिबेला उनको नेशनल ट्रमा सेन्टरमा उपचार भइरहेको छ।
उनको कार राजु थापा मगरले चलाइरहेका थिए। राजुलाई सामान्य चोट लागेको छ। बनाइरहेको बाटोमा ढुंगा छल्ने क्रममा कार सडकबाट ५० मिटर तल खसेको थियो।
'ढाडमा चोट लागेको हुँदा किरण दाइलाई डाक्टरले केही समय बेड रेस्ट गर्न सुझाव दिएका छन्,' राजुले भने।
पछिल्लाे समय किरण नेपालीले निर्माण गरेको फिल्म 'दुई नम्बरी' बक्स अफिसमा हिट भएको थियो। उनले निर्माण गरेको अर्को फिल्म 'हात्तीछाप' माघ २६ गतेदेखि प्रदर्शन हुनेछ।
