साइको थ्रिलर फिल्म 'जम्प' को ट्रेलर सार्वजनिक भएको छ।
क्रियटिभ माकुरा युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा मुख्यपात्रको वास्तविक जीवन बाधा र त्यसलाई पन्छाउन चालेको एउटा अनौठो कदमपछिको अवस्था र तनावलाई प्रस्तुत गरिएको छ।
निर्देशक आशुतोषध्वज कार्कीले निर्देशन गरेको फिल्ममा सरोज श्रेष्ठ, बिनिता थापामगर, सन्देश शाक्य, सगुन तामाङ, मञ्जिल जिसी, शंकर महर्जन, एन्जेलिका खत्री, अरोश्मा रञ्जित,सुदिप भुषाल, इलिस विष्ट, रितेश राजकर्णिकारलगायत कलाकारको अभिनय छ। फिल्मको कथा निर्देशक कार्कीले लेखेका हुन्।
इशा खड्का कार्यकारी निर्माता रहेको फिल्मलाई गोविन्द शाहीको काफिया फिल्म्सले वितरण गर्दैछ।
यो फिल्म मंसिर २९ गतेदेखि प्रदर्शन हुँदैछ।
