निरन्जन पाण्डे निर्देशित सर्ट फिल्म 'उडान' को टिजर सार्वजनिक गरिएको छ।
अमेरिकामा बस्दै आएका निरन्जनले यो सर्ट फिल्मको सम्पादन समेत गरेका हुन्। म्युजिकल सर्ट फिल्ममा त्रिकोणात्मक प्रेम कथालाई उतारिएको निर्देशक पाण्डेले जानकारी बताए।
यो फिल्मलाई अमेरिकन प्रोडक्शन हाउस मुभिज इन्फिनिटी क्रियशनले निर्माण गरेको हो।
फिल्ममा अर्जुन देब्सन, विना श्रेष्ठ, गोर्विएल डेवान, रोनिन मोलास्ची, जोन हेर्जलर, युवराज थापा, ओमार कासाराज, राजु गिलानीलगायत कलाकारको अभिनय छ। फिल्मलाई बलराम बुढाथोकीले छायांकन गरेका हुन्।
यो फिल्म क्रिसमसको अवसर पारेर युट्युबमा सार्वजनिक गरिनेछ। यस्तै फिल्मलाई एमाजोन प्राइमबाट रिलिज गर्ने तयारी समेत भइरहेको छ।
