अभिनेत्री पूजा शर्मा अभिनीत फिल्म 'दान्भी' को टिजर सार्वजनिक भएको छ।
बुढासुब्बा युट्युव च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा अभिनेत्री पूजाको एक्सन देख्न सकिन्छ। टिजरमा नव अभिनेता कुन्साङ बोम्जमलाई समेत प्रस्तुत गरिएको छ।
यो समाचार तयार पार्दा टिजरले २ लाख ४३ हजारबढी भ्युज पाएको छ। जसमा अभिनेत्री पूजाले अधिकांश सकारात्मक प्रतिक्रिया पाएकी छन्।
रूपेश तामाङको निर्देशनमा तयार भएको फिल्ममा देव मगर, अनुप गडालको लगानी छ। पवन रानामगर कार्यकारी निर्माता रहेको फिल्ममा कमला लिम्बु, पञ्चबहादुर तामाङ, श्रवणकुमार श्रेष्ठ सह-निर्माता हुन्।
यो फिल्ममा संजोग रानाको संवाद, हरि लामा 'घले' को छायांकन, बन्दे प्रसादको सम्पादन, सत्यम रानाको भिएफएक्स, कविराज गहतराज र राहुल बराइलीको कोरियोग्राफी, श्री श्रेष्ठको एक्सन छ।
नवराज शर्मा मुख्य सहायक निर्देशक रहेको फिल्मका प्रोडक्सन हेड नेत्र विष्ट हुन्। फिल्मको प्रदर्शन मिति केही दिनपछि तय गर्ने निर्देशक तामाङले बताएका छन्।
