अभिनेता सुशील श्रेष्ठको मुख्य भूमिका रहेको फिल्म 'आउट लः दफा २१९' ले असोज ३ गतेका लागि प्रदर्शन मिति तय गरेको छ।
केही दिनमा फिल्मको टिजर सार्वजनिक हुँदैछ।
यसैबीच निर्माणपक्षले सुशीलका केही तस्बिरहरू सार्वजनिक गरेको छ। जसमा उनी नेपाल आर्मीले प्रयोग गर्ने हेलिकप्टरमा देखिएका छन्।
त्रिभुवन विमानस्थलमा रहेको नेपाल आर्मीको हेलिकप्टर पार्किङ एरियामै फिल्मको छायांकन गरिएको हो। सार्वजनिक तस्बिर हेर्दा फिल्ममा सुशील आर्मीको भूमिकामा रहेको अनुमान गरिएको छ।
अमित अग्रहरीको निर्माणमा तयार भएको यो फिल्मलाई विक्की महर्जनले लेखन एवं निर्देशन गरेका हुन्। फिल्ममा नरेश पौडेल, शिक्षा संग्रौला, सुमन भण्डारी, हेम गुरूङ, सोनी लागुन लगायतको पनि अभिनय छ।
विनोद कडायत र सशांक खड्का कार्यकारी निर्माता रहेको फिल्ममा विकास चौधरी सह–निर्माताको रूपमा छन्। नविन गुरूङको डीओपी, चुल्ठे काजीको एक्सन रहेको यो फिल्ममा साहिल खानको सम्पादन छ।
फिल्मलाई नेपालभर डीसीएनले वितरण गर्नेछ।
