साउन ११ गतेदेखि प्रदर्शनमा आउने तयारीमा रहेको फिल्म 'ईश्वर' को गीत 'तिमी आयौ' सार्वजनिक गरिएको छ।
गायक कृष्ण काफ्लेको स्वर रहेको गीतको भिडिओमा फिल्मका मुख्य कलाकार अभिनेता पृथ्वीराज प्रसाईं र अभिनेत्री अनु शाह फिचर्ड छन्।
पोखरा आसपासमा भिडिओ छायांकन गरिएको छ।
गीतमा भीष्मराज फूलाराको शब्द र अर्जुन पोखरेलको संगीत छ।
राजु गिरी निर्देशित फिल्म ‘ईश्वर’ मा ध्रुव थापा, सुनील थापा, बुद्धि तामाङ, सबिन बास्तोला, माओत्से गुरूङ, रवीन्द्र झा, कृष्टि गुरूङ, शिशिर वाङ्देल, गीता अधिकारी, लगायत कलाकारहरूको पनि अभिनय छ।
फिल्ममा भोजराज देवकोटाको पटकथा तथा संवाद छ। लक्ष्मी कुँवर थापा प्रस्तुतकर्ता रहेको फिल्मको निर्माता हरिबहादुर थापा हुन्।
