सुदर्शन थापाको निर्देशन रहेको फिल्म 'रावायण' को शीर्ष गीत सार्वजनिक गरिएको छ।
केही दिनअघि टिजर ल्याएको निर्माण टिमले मंगलबार गीत सार्वजनिक गरेको हो।
गीतमा बलिउड गायक नकाश अजिजको स्वर छ। गीतका शब्द कृष्णहरी बरालले लेखेका हुन् भने संगीत रेवान आरती सिंहको छ।
भिडिओमा फिल्मका शीर्ष कलाकार पुजा शर्मा, पल शाह फिचर्ड छन्।
निर्देशक सुदर्शन थापा समेत भिडिओमा देखिएका छन्। भिडिओको सेट भव्य देखिएको छ। गीतलाई विक्रम स्वाँरले कोरियोग्राफी गरेका हुन्।
एक्सनप्रधान फिल्म 'रावायण' मा पलले दोहोरो भूमिका निर्वाह गरेका छन्। यसमा प्रियंका कार्की, प्रमोद अग्रहरी, प्रकाश शाह, अर्जुनजंग शाही, शर्मीला मल्ल, प्रदीप ढकाल, निकिता चण्डकको पनि अभिनय छ।
सुदर्शन थापा प्रोडक्सन र पूजा शर्मा प्रोडक्सनको संयुक्त ब्यानरमा बनेको फिल्मको निर्माता पूजा शर्मा हुन्। सुशन पाठक कार्यकारी निर्माता छन्।
सुदर्शन थापाको कथा, शिवम अधिकारीको लेखन रहेको फिल्ममा सौरभ लामाको छायांकन, श्री श्रेष्ठको एक्सन र मिलन श्रेष्ठको सम्पादन छ।
फिल्म तीजको अवसर पारेर भदौ २१ गते रिलिज हुनेछ।
भिडिओः
