फिल्म 'आँखा' ले प्रिमियरमा सकारात्मक प्रतिक्रिया पाएको छ।
रिलिजको पूर्वसन्ध्यामा बिहीबार बेलुका काठमाडौंमा गरिएको प्रिमियरमा फिल्म हेर्नेहरूले यसको कथा, प्रस्तुति, कलाकारहरूको अभिनयको प्रशंसा गरेका हुन्।
जौन योञ्जनको निर्माण तथा निर्देशन रहेको 'आँखा' ले नदी किनारको सुकुम्बासी बस्तीमा बस्दै आएका मानिसको कथालाई भावनात्मक रूपमा उठान गरेको छ। फिल्ममा स्मिता लामिछाने र आरके मेहता शीर्ष भूमिकामा छन्।
साथमा साथमा, विजय बराल, नीशा अधिकारी, बुद्धि तामाङ, सरोज खनाल, पशुपति राई, कृष्णभक्त महर्जन, राजन खतिवडा, प्रविण खतिवडा, लुनिभा तुलाधर, अभयराज बराल र बाल कलाकार प्रसन राईको पनि अभिनय छ।
फिल्म शुक्रबारदेखि देशभरका हलमा प्रदर्शनमा आएको छ।
तस्बिरहरू: नवीनबाबु गुरूङ
