घटस्थापनाको अवसर पारेर बिहीबारदेखि प्रदर्शनमा आएको फिल्म 'बेहुली फ्रम मेघौली' हेर्न दर्शकको उपस्थिति उत्साहजनक देखिएको छ। रिलिजको पहिलो दिन बिहानैदेखिका शोमा फिल्मले दर्शकको साथ पाएको हो।
काठमाडौंसहित मोफसलका हलमा दिउँसोका शोमा दर्शक अकुपेन्सी शतप्रतिशतसम्म देखिएको छ।
फिल्मका कलाकारहरू बिहानैदेखि हल भिजिटमा निस्किएका छन्।
लबिम मल, मिग मुभिज लगायतका हलमा कलाकारहरू पुग्दा दर्शक खचाखच थिए। त्यसक्रममा स्वस्तिमा खड्का लगायतका कलाकारहरूसँग तस्बिर खिच्न दर्शकको भीड देखियो। दर्शकले फिल्म राम्रो बनेको भन्दै प्रशंसा समेत गरे।
उच्च शोसहित प्रदर्शनमा आएको 'बेहुली फ्रम मेघौली' मा स्वस्तिमासहित निश्चल बस्नेत, बसुन्धरा भुषाल, विजय बराल, सिम्रन खड्का, रक्षा थापा, लोकेन्द्र लेखक, सिरु बिष्ट, आमिर गौतम लगायत कलाकारहरूको अभिनय छ। स्वस्तिमा खड्का र निश्चल बस्नेतले फिल्मको निर्माण गरेका हुन्।
लेखन तथा निर्देशन सजन काफ्ले र आकाश बरालको हो।
तस्बिरहरू: बेहुली फ्रम मेघौलीको फेसबुक पेजबाट
