कमेडी जनरामा फिल्म 'चिठ्ठा' बन्ने भएको छ।
आरएल लामा मोक्तानले निर्देशन गर्ने फिल्म पुसको दोस्रो साताबाट छायांकनमा जानेछ। फिल्मको कथा, पटकथा तथा संवाद निर्देशक आरएल लामाले नै तयार गरेका हुन्।
फिल्ममा धिरेन शाक्य, भोलाराज सापकोटा, अर्जुन गुरुङ, निमा लामा, रसिला कार्कीलगायत कलाकारको मुख्य भूमिका रहनेछ। लंका फिल्म प्रालीको ब्यानरबाट बन्ने फिल्मका लागि एक अभिनेता र एक अभिनेत्री छनोट गर्न बाँकी छ।
रेल्लु माया तामाङ प्रस्तुतकर्ता रहेको फिल्ममा आर सुनाम मोक्तानको लगानी रहनेछ। मियम मोक्तान सह-निर्माता रहेको फिल्ममा सञ्चु थोकरको छायांकन, शंकर महर्जनको द्वन्द्व निर्देशन, निर्देशक आरएल लामाको शब्द तथा संगीत, युवराज कँडेल र अन्नु चौधरीको स्वर रहनेछ।
