निर्मल पौडेलको लेखन तथा निर्देशनमा बनेको सर्ट फिल्म 'निलो आकाश' को फर्स्ट लुक पोस्टर सार्वजनिक भएको छ।
सार्वजनिक पोस्टरमा पूर्वमिस नेपाल निकिता चान्डकलाई प्रस्तुत गरिएको छ। पोस्टरमा मधेस युवतीको भावनात्मक कथावस्तु झल्काउने संकेत गर्दछ।
फिल्म निलो आकाशले मधेसको युवतीकी कथा र व्यक्तिगत स्वतन्त्रताको अवस्थाको चित्रण गरेको छ। यस पोस्टरमा निकिता चान्ड़कलाई मधेसको विवाहित युवतिको रूपमा देखाइएको छ। यस सर्ट फिल्म चाडै नै फिल्म फेस्टिभलहरू मार्फत प्रदर्शन गर्ने तयारी रहेको पौडेलले बताए।
निलो आकाश काफिया मिडिया र निर्मल फिल्मसको ब्यानरमा तयार पारिएको हो। यसको निर्मातामा आस्था शर्मा, निर्मल पौडेल छन् भने सहायक निर्मातामा तेजु पाण्डे, गणेश कन्चन भारती रहेका छन्।
यसको छायांकन भारतीय सिनेम्याटोग्राफर दिपांकर सिक्दरले गरेका हुन्। यसको सम्पादन अनिमेष सापकोटाले गरेका हुन्, कलर ग्रेडिङ कपिल पराजुलीले गरेका हुन्, साउन्ड डिजाइन डिकेश खड्की शाहीले गरेका हुन्। भने यसमा ब्याकग्राउण्ड म्युजिक उज्ज्वल सागरले गरेका छन्।
'गाजलु, रोमियो एन्ड मुना, चौका दाउ' लगायत फिल्ममा सहायक निर्देशकको रूपमा काम गरेका निर्देशक निर्मल पौडेलको यो तेस्रो सर्ट फिल्म हो। उनले यसअघि सिपाहीकी 'स्वास्नी 'र 'म कमरेड' सर्ट फिल्म निर्देशन गरेका थिए।
