पत्रकार नारायण श्रेष्ठ लामो समयपछि कविका रूपमा प्रस्तुत भएका छन्।
दुई दशकअघि नै कविको छवि बनाएका उनले शनिबार साँझ अमेरिकाको न्यूयोर्कस्थित बफेलो सहरमा आयोजित एक सांगीतिक कार्यक्रममा आफ्नो कविताको प्रस्तुति दिए।
नजिसिआर स्टुडियोमा आयोजित उक्त कार्यक्रममा श्रेष्ठले पाँचवटा कविता सुनाएका थिए।
उनले नेपालमा पत्रकारिता गर्दाताका लेखेका तत्कालीन राजनीतिक अवस्थासम्बन्धी चारवटा कविता वाचन गरे भने पाँचौं कविताले कोरोना महामारीको त्रासदपूर्ण चित्रण उतारेको थियो।
नारायणसँगै कवि नदीशले पनि आफ्ना पाँचवटा कविता वाचन गरे। कवि नदीशका रचना प्रकृति र अमेरिकी जीवन दर्शाउने खालका थिए।
दुवै कविका कवितामा डा. जेन मेरिटले संगीत संयोजन गरेका हुन्। संगीतमा मेरिटसँगै एन्ड्रयू, जेसिका र प्रज्वल लामाले संगीतमा साथ दिए। लामाले पियानो, जेसिकाले भायोलिन, एन्ड्रयूले चेलो र जेन आफैले गितार बजाएर साँझ संगीतमय बनाएका थिए।
आयोजक कोकोमेन्दो अन्सेम्बलका लामिन तामाङले संगीत र कविता एकसाथ प्रस्तुत हुने यस्तो कार्यक्रम विरलै हुने भएकाले आफूले चासो लिएको बताए।
यस्तो कार्यक्रम आयोजना गर्ने भनी दुई वर्षदेखिको सपना पूरा भएकोमा उनले प्रसन्नता व्यक्त गरे।
-1756118929.jpeg)
-1746009348.jpg)
