आना शर्माको शीर्ष अभिनय रहेको फिल्म 'रमिताको पिरती' को गीत सार्वजनिक गरिएको छ।
सोमबार काठमाडौंमा आयोजित एक कार्यक्रमकाबीच 'तिमी भए काफी' बोलको गीत सार्वजनिक गरिएको हो। यसको भिडिओमा अभिनेत्री आना र गायक तथा नव-अभिनेता समीर श्रेष्ठ फिचर्ड छन्। थाइल्याण्डमा खिचिएको भिडिओमा आना र समीर रोमान्टिक देखिएका छन्।
गीतले प्रेम र सम्बन्धको भावनालाई समेटछ। भिडिओमा रोमान्टिक र भावनात्मक दृश्यहरू देख्न सकिन्छ।
समीरकै स्वरमा समावेश यो गीतको अडिओ उत्पादन सास्वतको हो।
सुदिप्ताको लेखन तथा निर्देशन रहेको 'रमिताको पिरती' मा आना र समीरसहित धिरज मगर, विनय श्रेष्ठ, गौमाया गुरूङ, पशुपति राई, रेनु योगी, थिन्ले ल्हामो लगायत कलाकारहरूको अभिनय छ।
फिल्मको निर्माता सागर लम्साल हुन्। कार्यकारी निर्मातामा आना शर्मा र सन्तोष लम्साल छन्। फिल्मले एक युवतीको जीवन, संघर्ष, प्रेम र आरोह-अवरोहलाई प्रस्तुत गर्छ।
'रमिताको पिरती' माघ २३ गतेदेखि प्रदर्शनमा आउने तालिका छ।
-1746009348.jpg)
