बलिउड अभिनेता संजय दत्तको जीवनीमा आधारित फिल्म सन्जु'को ट्रेलरबाट चर्चा बटुलिरहेका रणवीर कपुरको नयाँ फिल्मको टिजर सार्वजनिक भएको छ। यसराज फिल्मसको निर्माण रहेको एक्सन फिल्ममा रणवीर एक डाकुको भूमिकामा हुनेछन्।
सार्वजनिक टिजरमा रणवीर यसअघि कहिल्यै नदेखिएको गेटअपमा देखिएका छन्। सोमबार बिहान रिलिज गरिएको 'शम्शेरा'को टिजरले दर्शकको मन सजिलै जित्ने सम्भावना देखिएको छ। रणवीरले यस फिल्मलाई आफूले गर्न चाहिरहेको फिल्मजस्तै भनेर टिप्पणी गरेका छन्। फिल्मको सुटिङ यसै वर्षको अन्त्यबाट हुने जनाइएको छ।
फिल्मलाई करन मल्होत्राले निर्देशन गर्नेछन्।
