आइपिएल २०२४ मा मुम्बई इन्डियन्सको कप्तानी सम्हालिरहेका क्रिकेटर हार्दिक पाण्ड्या यतिबेला चर्चामा छन्।
सुरूवाती दिनमा उनलाई ट्रोल गरिएको थियो। केही दिनअघि उनी आफ्नी श्रीमती नताशा स्टानकोभिक र परिवारसँग देखिएका थिए। जसले सामाजिक सञ्जालमा चर्चा बटुल्यो।
सर्वियन नागरिक नताशाले बलिउडमा पनि काम गरेकी छन्। उनले प्रकाश झा निर्देशित फिल्म 'सत्याग्रह' बाट डेब्यू गरेकी हुन्। सन् २०१२ मा भारत आएकी नताशाले उक्त फिल्मको आइटम गीतमा नाचेकी थिइन्।
त्यसपछि र्यापर वादशाहको म्युजिक भिडिओ खेलिन्। सन् २०१४ मा उनी सलमान खानले चलाउने टिभी कार्यक्रम बिग बोसमा सहभागी भइन्।
उनलाई र्यापर बादशाहकै ब्लकबस्टर गीत 'डिजेवाला बाबु' बाट लोकप्रियता मिल्यो।
नताशाले शाहरूख खानको फिल्म 'जिरो' मा पनि अतिथि भूमिका निर्वाह गरेकी छन्। योसँगै उनी रणवीर सिंहसँग थुप्रै विज्ञापनमा देखिएकी छन्।
