बलिउड अभिनेता रणदीप हुड्डा र अभिनेत्री आलिया भट्ट अभिनीत फिल्म 'हाईवे' लाई दर्शकले रूचाएका थिए।
सन् २०१४ मा प्रदर्शन भएको फिल्मलाई इम्तियाज अलीले निर्देशन गरेका थिए। यो फिल्म आलिया भट्टको करियरको राम्रो फिल्म मध्ये एक मानिन्छ। यस फिल्मबाट आलियाले निकै तारिफ बटुलेकी थिइन्। तर यस फिल्मको लागि आलिया पहिलो रोजाइ थिइनन्।
एक अन्तर्वार्तामा निर्देशक इम्तियाजले उक्त कुरा खुलासा गरेका हुन्। उनका अनुसार उनी वीरा भूमिकाको लागि एक परिपक्क महिलाको खोजीमा थिए।
'लव शव ते चिकन खुराना' को स्क्रिनिङमा आलियासँग भेटेपछि निर्देशकको मन परिवर्तन भएको थियो। यस फिल्मको लागि निर्देशक पहिलो रोजाई ऐश्वर्या राय बच्चन थिइन्। तर उनलाई फिल्म प्रस्ताव भने गरिएको थिएन।
