बलिउड अभिनेता अजय देवगन अभिनीत फिल्म 'दे दे प्यार दे २' को ट्रेलर सार्वजनिक भएको छ।
अंशुल शर्माद्वारा निर्देशित यो फिल्म अजयको बहुप्रतीक्षित सिक्वेल हो। यो सिक्वेलमा अजय देवगनले आशिष मेहराको भूमिकालाई निरन्तरता दिएका छन्। तर यसपटक उनलाई आयशाका अभिभावकलाई मनाउने चुनौती दिइएको छ। अभिभावकको भूमिका आर माधवन र गौतमी कपूरले निभाएका छन्।
आयशा खुरानाको भूमिकामा रकुल प्रीत सिंह छिन्। ट्रेलरको सुरूवातमा उनले आफ्ना अभिभावकलाई आफूले एकजनालाई भेटेको खुलासा गर्छिन्, तर उनी आफूभन्दा जेठो र सम्बन्धविच्छेद भइसकेको व्यक्ति भएको स्पष्ट पार्छिन्। तथापि, प्रगतिशील अभिभावक भएकोले, उनीहरू आयशाको प्रेमीलाई भेट्न सहमत हुन्छन्।
त्यसपछि उनका अभिभावकलाई आशिषसँग परिचय गराइन्छ। के आशिषले आयशाका अभिभावकलाई मनाउन सक्लान्? र, के जोडी एकसाथ हुनेछ? यो प्रश्नको जवाफ फिल्मले दिनेछ।
अजय देवगन, रकुल प्रीत सिंह र जावेद जाफरीले पहिलो भागबाट आफ्ना भूमिकाहरू दोहोर्याउनुका साथै, 'दे दे प्यार दे २' मा आर माधवन, मीजान जाफरी, गौतमी कपूर, इशिता दत्त, सञ्जीव सेठ लगायतका नयाँ कलाकारहरू मुख्य भूमिकामा प्रस्तुत गरिएका छन्। 'दे दे प्यार दे २' नोभेम्बर १४ (कात्तिक २८) देखि प्रदर्शनमा आउनेछ।
1635339834.jpeg)
-1756794700.JPG)
-1746009348.jpg)
