बलिउड अभिनेता शाहिद कपूर एक्सन फिल्ममा देखिने भएका छन्।
उनले पछिल्लो समय 'बल्डी ड्याडी' मा एक्सन गरेका थिए। तर यो फिल्म ओटिटीमा मात्रै सिमित भएको थियो। अब उनी ठूलो पर्दा एक्सन गर्ने तयारीमा छन्।
एक्सन थ्रिलर फिल्मलाई विशाल भारद्वाजले निर्देशन गर्नेछन्। अभिनेता शाहिद र निर्देशक विशालले 'कमिने', 'हैदर' र 'रंगुन' फिल्ममा एकसाथ काम गरेका छन्।
भारतीय सञ्चारमाध्यम दैनिक जागरणका अनुसार विशाल यस फिल्मलाई ठूलो स्तरमा बनाउने सोचिरहेका छन्। फिल्मको नाम र अन्य कलाकार छनोट गर्न बाँकी छ। यो फिल्मको सेक्टेम्बर अथवा अक्टोबरसम्म छायांकन सुरू हुनेछ।
