मणिरत्नम निर्देशित फिल्म 'दिल से' मा शाहरूख खान र मनिषा कोइरालाले अभिनय गरेका थिए।
यो फिल्म प्रदर्शन भएको २६ वर्ष पुरा भइसक्यो। फिल्ममा शाहरूख र मनिषाको जोडीलाई दर्शकले खुब रूचाएका थिए। तर उनीहरूले फेरि एकसाथ काम गरेनन्। हालै अभिनेत्री मनिषाले आफूहरूले एकसाथ काम नगर्नुको कारण खुलाएकी छन्।
'यस क्षेत्रमा हिरोले कोसँग काम गर्ने नगर्ने भनेर तय गर्छन्,' उनले भनिन्।
उनले मणिरत्नमको फिल्म 'बम्बे' र सञ्जय लीला भन्सालीको फिल्म 'खामोशी' र 'हीरामण्डी' मा आफ्नो प्रस्तुतिलाई लिएर खुलेर कुराकानी गरेका थिइन्।
भारतीय सञ्चारमाध्यम दैनिक जागरणका अनुसार 'दिल से' पहिलो पटक रिलिज गर्दा बक्स अफिसमा राम्रो प्रदर्शन गर्न सकेको थिएन। फिल्मले २८ करोड ४० लाख भारू कमाएको थियो।
