बलिउड अभिनेत्री श्रद्धा कपूर यतिबेला आफ्नो फिल्म 'स्त्री २' लाई लिएर चर्चामा छिन्।
फिल्मले बक्स अफिसमा सफलताका साथ प्रदर्शन गरिरहेको छ। श्रद्धाले 'आशिकी २, बागी, तु झुठी में मक्कार' जस्ता सुपरहिट फिल्म दिएकी छन्। तर उनले आमिर खान, शाहरूख खान र सलमान खानसँग कुनै फिल्म खेलेकी छैनन्।
श्रद्धाले हालै एक अन्तर्वार्तामा तीन खानसँग काम नगर्नुको कारण खुलाएकी छन्। 'मेरो लागि स्क्रिप्ट र कहानी सबैभन्दा महत्वपूर्ण कुरा हो। म ठूलो स्टार भएको फिल्म खेल्छु भनेर कहिलै माग गर्दिन। बरू म राम्रो निर्देशकसँग राम्रो काम गर्न चाहन्छु। अहिलेसम्म बलिउडका ३ खानसँग काम गर्ने मौका मिलेको छैन,' उनले भनिन्।
श्रद्धा कपूरको 'स्त्री २' अगस्ट १४ देखि प्रदर्शन भइरहेको छ। फिल्मले अहिलेसम्म २५० करोडभन्दा बढी कमाइ गरेको छ।
