बलिउड अभिनेता राजकुमार राव र अभिनेत्री श्रद्धा कपूर अभिनीत फिल्म 'स्त्री २' ले बक्स अफिसमा राम्रो कमाइ गरिरहेको छ।
हिन्दी फिल्म बजार विश्लेषक तरण आदर्शका अनुसार एकसातामा २८९ करोड ६० लाख भारू कमाएको छ।
यो फिल्म बुधबार रातिदेखि प्रदर्शन भएको थियो फिल्मले बुधबार ९ करोड ४० लाख कमाएको थियो भने पहिलो दिन ५५ करोड ४० लाख, दोस्रो दिन ३५ करोड ३० लाख, तेस्रो दिन ४५ करोड ७० लाख, चौथो दिन ५८ करोड २० लाख, पाँचौ दिनमा ३८ करोड ५०, छैटौं दिन २६ करोड ८० लाख र सातौं दिन २० करोड ४० लाख भारू कमाएको हो।
अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ।
सन् २०१८ मा प्रदर्शन भएको फिल्ममा श्रद्धाले भूतनीको भूमिका निर्वाह गरेकी थिइन्।
