बलिउड अभिनेता सनी देओलको फिल्म 'बोर्डर २' मा वरूण धवन अनुबन्धित भएका छन्।
शुक्रबार वरूणले सामाजिक सञ्जालमा एक भिडिओ सार्वजनिक गर्दै उक्त जानकारी दिएका हुन्। 'मैले ४ कक्षामा पढ्दा फिल्म बोर्डर हेरेको थिएँ। बोर्डरले मलाई निकै प्रभावित पारेको थियो। मलाई अझै याद हामी सबै जना राष्ट्रिय गौरवको भावना महसुस गरिरहेका थियौं। मैले हाम्रो सशस्त्रलाई आदर्श मान्न सुरू गरेको थिएँ आज पनि म सलाम गर्छ किनकी उहाँहरू सधैं हाम्रो रक्षा गरिरहनु भएको हुन्छ। उहाँकै कारण हामी सीमा बाहिर पनि सुरक्षित महसुस गरिरहेका हुन्छौं। यस फिल्ममा सहभागी हुन पाउनु मेरो करियरकै एक खास पल हो। मलाई आफ्नो हिरो सनी पाजी (सनी देओल) सँग काम गर्ने मौका मिल्यो,' उनले लेखेका छन्।
अनुराग सिंहले निर्देशन गर्न लागेको फिल्ममा भुषान कुमार, कृष्ण कुमार, जेपी दुत्ता, निधी दुत्ताको लगानी रहनेछ। यो फिल्म २३ जनावरी २०२६ देखि प्रदर्शन हुनेछ।
यो सनी देओलको सन् १९९७ मा आएको 'बोर्डर' को दोस्रो भाग हो। यस फिल्ममा भारत र पाकिस्तानबीचको द्वन्द्व देखाइएको थियो। फिल्ममा सनी देओल, सुनील शेट्टी, ज्याकी श्राफ, अक्षय खन्नालगायत कलाकारको मुख्य भूमिका थियो।
