सञ्जय लीला भन्सालीको निर्देशनमा फिल्म 'लभ एन्ड वार' बन्ने भएको छ।
यस फिल्ममा रणवीर कपूर, अलिया भट्ट र विक्की कौशल एकसाथ देखिँदैछन्। रणवीर र विक्कीले फिल्म 'सञ्जु' मा एकसाथ काम गरेका थिए भने रणवीर र आलियाले 'ब्रह्मास्त्र' मा एकसाथ काम गरेका थिए।
भारतीय सञ्चारमाध्यम पिंकभिलाका अनुसार यो फिल्मको छायांकन अक्टोबरदेखि सुरू हुनेछ। आलिया भने डिसेम्बरदेखि फिल्म ज्वाइन गर्नेछिन्।
यतिबेला आलिया यशराज फिल्म्सको स्पाई युनिभर्सको फिल्म 'अल्फा' को छायांकनमा व्यस्त छिन्। यस फिल्मको छायांकन सकेर उनी 'लभ एन्ड वार' को तयारीमा जुट्ने छिन्।
यस फिल्मको घोषणा २४ जनावरी २०२४ मा गरिएको थियो। यो फिल्म २०२५ मा क्रिसमसको अवसर पारेर रिलिज हुनेछ।
