बलिउड अभिनेत्री श्रद्धा कपूर इन्स्टाग्राममा धेरै पछ्याइने अभिनेत्री बनेकी छन्।
'स्त्री २' को सफलतासँगै अभिनेत्री प्रियंका चोपडालाई उछिन्दै श्रद्धा सर्वाधिक फलोअर्स कमाउने भारतीय अभिनेत्री बनेकी हुन्।
श्रद्धा इन्स्टाग्राममा सबैभन्दा धेरै फलोअर्स कमाउने दोस्रो भारतीय हुन्। उनको इन्स्टाग्राममा ९१.९ मिलियनभन्दा बढी फलोअर्स छन्।
यसअघि श्रद्धाले भारतका प्रधानमन्त्री नरेन्द्र मोदीलाई उछिनेकी थिइन्। भारतमा सर्वाधिक पछ्याउने पहिलो स्थानमा क्रिकेटर विराट कोहलीको नाम छ। उनको इन्स्टाग्राममा २७० मिलियन फलोअर्स छन्।
'स्त्री २' को सफलतापछि श्रद्धा कपूर आगामी फिल्म 'जान फूंकने' को तयारीमा छिन्। त्यस्तै उनी 'चालबाज इन लन्डन, स्त्री ३, नो इन्ट्रि २ र केटिना' जस्ता फिल्ममा देखिनेछिन्।
