बलिउड अभिनेता राजकुमार राव र अभिनेत्री श्रद्धा कपूर अभिनीत फिल्मले बक्स अफिसमा नयाँ-नयाँ रेकर्ड राखिरहेको छ।
भारतीय सञ्चारमाध्य आजतकका अनुसार फिल्मले ११ दिनमा ४०१ करोड ६५ लाख भारू कमाएको छ। पहिलो साता ३०७ करोड ८० लाख भारू कमाएको फिल्मले दोस्रो विकेन्डमा ९३ करोड ८५ लाख भारू कमाएको हो।
योसँगै 'स्त्री २' ले दोस्रो विकेन्डमा सर्वाधिक कमाइ गर्ने फिल्मको रेकर्ड राखेको छ। दोस्रो विकेन्डमा ९० करोड ८५ लाख भारू कमाएको 'गदर २' को रेकर्ड तोड्दै 'स्त्री २' ले रेकर्ड राखेको हो।
अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ।
सन् २०१८ मा प्रदर्शन भएको फिल्ममा श्रद्धाले भूतनीको भूमिका निर्वाह गरेकी थिइन्।
