बलिउड अभिनेता सिद्धान्त चतुर्वेदी अभिनीत फिल्म 'युध्रा' को ट्रेलर सार्वजनिक भएको छ।
बिहीबार एक्सल मुभिज युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा अभिनेता सिद्धान्तको एक्सन सिन देख्न सकिन्छ।
रवि उदयावरले निर्देशन गरेको फिल्ममा सिद्धान्तसँगै मालविका मोहनन, राघव जुयाल, राम कपूरलगायत कलाकारको अभिनय छ। फिल्मलाई रितेश सिधवानी र फरहान अख्तरले निर्माण गरेका हुन्।
यो फिल्म सेक्टेम्बर २० देखि प्रदर्शन हुनेछ।
युध्रापछि सिद्धान्त 'धडक २' मा देखिनेछन्। करण जोहरले निर्माण गर्ने फिल्ममा सिद्धान्त र तृप्ति डिमरीको अभिनय रहनेछ। यो सन् २०१८ मा आएको फिल्म 'धडक' को सिक्वेल हो।
