बलिउड अभिनेता सिद्धार्थ र अभिनेत्री अदिति राव हैदरी विवाहको तयारीमा छन्।
भारतीय सञ्चारमाध्यम दैनिक जागरणका अनुसार उनीहरू दुई राजस्थानमा विवाह गर्दैछन्। अदिति स्वयंले आफ्नो विवाह समारोहको स्थल बारे खुलासा गरेकी हुन्। तेलंगानाको वानापर्थीस्थित ४०० वर्ष पुरानो मन्दिरमा उनीहरूको विवाह हुने बताइएको छ।
उनले आफ्नो र सिद्धार्थको सम्बन्धको बारेमा भनिन्, 'म खासै रिलेशनशिपमा बसेको छैन। कुनै व्यक्तिलाई हेर्दै मलाई थाहा हुन्छ कि त्यो व्यक्ति मेरो मन पर्ने व्यक्ति हो या होइन। जब मैले सिद्धुलाई भेटे मलाई लाग्यो कि ऊ मेरो मन पर्ने व्यक्ति हो। उसलाई भेटेपछि मेरो दिमागमा अन्य केही कुरा आएन।'
सिद्धार्थ र अदितिले यसै वर्ष मार्च इन्गेजमेन्ट गरेका थिए। उनीहरू सन् २०२१ देखि प्रेम सम्बन्धमा छन्।
अदितिले 'पद्मावत, मर्डर ३, रकस्टार, बोस, भूमि, धोवी घाट' लगायत फिल्ममा अभिनय गरेकी छन्।
अभिनेता सिद्धार्थले 'रंग दे बसन्ती, गोलियोंकी राजलीलाः रामलीला, खलनायक, युवा, इन्डियन' लगायत फिल्ममा अभिनय गरेका छन्।
