बलिउडका चर्चित अभिनेता हुन् वरूण धवन। उनी आफ्नो अभिनयका कारण दर्शकको मन जित्न सफल भएका छन्।
उनै अभिनेता वरूण अब लगातार ६ फिल्ममा देखिँदैछन्। उनी 'बर्डर २, भेडिया २, बेबी जोन, है जवानी तो इश्क होना है, सनी संस्कारीकी तुलसी कुमारी' लगायत फिल्म र बेव सिरिज 'सिटाडेल: हनी बनी' मा देखिँदैछन्।
बर्डर २
वरूणले हालै 'बर्डर २' को एक भिडिओ सामाजिक सञ्जालमा सेयर गरेका थिए। अनुसार सिंहले निर्देशन गर्ने फिल्ममा वरूणसँगै सनी देओल र आयुष्मान खुरानाको मुख्य भूमिका हुनेछ।
भेडिया २
वरूण धवन आगामी फिल्म ‘भेडिया २’ को पखाईमा छन्। यो फिल्म हरर फिल्म युनिभर्सको भाग हो। जसले ‘स्त्री, मुंज्या र स्त्री २’ जस्ता फिल्म बनाएका छन्। ‘भेडिया २’ अर्काे वर्षदेखि छायांकनमा जानेछ।
बेबी जोन
एक्सन ड्रामा फिल्म ‘बेबी जोन’ मा वरूण धवनसँगै कीर्ति सुरेश, वामिका गब्बी, राजपाल यादव, सान्या मल्होत्रा, ज्याकी श्राफलगायत कलाकारको अभिनय रहने छ। एटलीले निर्माण गरेको फिल्म २०२४ को क्रिसमसमा रिलिज हुनेछ।
सिटाडेलः हनी बनी
एक्सन ड्रामा सिरिज ‘सिटाडेलः हनी बनी’ मा वरूण धवन र सामान्धा रूथ प्रभुको मुख्य भूमिका हुनेछ। राज र डिके निर्देशित सिरिज यसैवर्ष नोभेम्बरमा रिलिज हुनेछ। यसै वेब सिरिजबाट वरूण ओटिटीमा डेब्यू गर्दैछन्।
है जवानीतो इश्क होना है
यस फिल्मलाई उनका बुवा डेभिड धवनले निर्देशन गर्दैछन्। यसको हालसम्म रिलिज डेट तय गरिएको छैन।
सनी संस्कारीकी तुलसी कुमारी
शशांक खेतानले निर्देशन गर्ने फिल्ममा वरूण धवन, जाहन्वी कपूर, सान्या मल्होत्रा, रोहित सराफ, अक्षय ओबेराय जस्ता कलाकारको अभिनय रहनेछ। धर्मा प्रोडक्सनले निर्माण गर्ने फिल्मको रिलिज डेट तय गरिएको छैन।
