हरर थ्रिलर फिल्म 'तुम्बाड' १३ सेक्टेम्बरदेखि हलमा पुन: प्रदर्शन गरिएको छ।
यो फिल्मले भारतीय बक्स अफिसमा राम्रो कमाइ गरिरहेको छ। भारतीय सञ्चारमाध्यम कोइमोइका अनुसार फिल्मले दुई दिनमा १ करोड ८० लाख भारू कमाएको छ।
६५ लाखमा ओपनिङ गरेको फिल्मले दोस्रो दिन १ करोड १५ लाख भारू कमाएको हो। सन् २०१८ मा प्रदर्शन भएको फिल्म १५ करोड भारू बजेटमा बनेको हो।
राही अनिल बर्भे निर्देशित फिल्ममा सोहम शाह, ज्योति मल्से, धुन्दिराज प्रभाकर, मोहम्मद समाद, रूद्र सोनी, रोन्जीनी चक्रवर्तीलगायत कलाकारको अभिनय छ।
फिल्मले राम्रो प्रदर्शन गरेपछि यसको सिक्वेल निर्माण घोषणा गरिएको छ। अभिनेता सोहम शाहले सामाजिक सञ्जालमा एक भिडिओ राख्दै उक्त जानकारी दिएका हुन्।
'प्रलय आउँछ,' उनले लेखेका छन्। सोहमले फिल्मको सिक्वेलको काम सुरू गरिसकेका छन्।
