बलिउड अभिनेता कार्तिक आर्यन अभिनीत फिल्म 'भूल भुलैया ३' रिलिजको तयारीमा छ।
यस फिल्ममा कार्तिकले पहिलो पटक विद्या बालनसँग काम गरेका छन्। फिल्ममा माधुरी दीक्षित र तृप्ति डिमरीको पनि मुख्य भूमिका छ। केही दिनअगाडि फिल्मको ट्रेलर सार्वजनिक भएको थियो। जसलाई दर्शकले निकै रूचाइरहेका छन्। ट्रेलरले चर्चा पाएसँगै फिल्मका निर्माताले 'भूल भुलैया ४' निर्माण घोषणा गरेका छन्।
भारतीय सञ्चारमाध्यम आजतकका अनुसार कार्तिक आर्यनले फिल्म साइन गरिसकेका छन्। अन्य कलाकारको बारेमा खुलासा गरिएको छैन।
