बलिउड अभिनेता अनिल कपूरले पान मसालाको विज्ञापन गर्न अस्वीकार गरेका छन्।
भारतीय सञ्चारमाध्यमका अनुसार विज्ञापन खेल्न उनलाई १० करोड भारू अफर गरिएको थियो। तर उनले तुरून्तै उक्त अफर अस्वीकार गरे।
अनिल कपूर आफ्नो सामाजिक जिम्मेदारी निर्वाह गर्ने व्यक्तिको रूपमा परिचित छन्। उनका अनुसार यस प्रकारको प्रोडक्टको समर्थन र विज्ञापन गर्नु एक कलाकार र एक व्यक्तिको रूपमा उनको नैतिक मूल्यको विपरीत छ। अनिल कपूरको यस निर्णयले उनका फ्यान खुशी भएका छन्।
अनिल कपूरले भन्दाअघि आर माधवनले पनि पान मसलाका विज्ञापन अस्वीकार गरेका थिए।
अजय देवगन, अक्षय कुमार, टाइगर श्राफ, शाहरूख खान जस्ता कलाकार पान मसालाको विज्ञापन गरिरहेका छन्। यसैकारण उनीहरूका फ्यान रिसाएका थिए।
