बलिउड अभिनेता कार्तिक आर्यन अभिनीत फिल्म 'भूल भुलैया ३' को 'जाना सम्झो ना' बोलको गीत सार्वजनिक भएको छ।
मंगलबार टि-सिरिज युट्युब च्यानलमार्फत फिल्मको गीत सार्वजनिक गरिएको हो। आदित्य रिखरी र तुलसी कुमारको स्वर रहेको गीतमा कार्तिक आर्यन र तृप्ति डिमरी फिचर्ड छन्। आदित्य रिखरीको शब्द रहेको गीतमा लिजो गोर्गे, डिजे चेतस र आदित्य रिखरीको संगीत छ।
अनीस बज्मी निर्देशित फिल्ममा कार्तिक आर्यन, विद्या बालन, तृप्ति डिमरी, माधुरी दीक्षित, राजपाल यादवलगायत कलाकारको अभिनय छ।
यो फिल्म नोभेम्बर १ देखि प्रदर्शन हुनेछ।
सन् २००७ मा प्रदर्शन भएको फिल्म 'भूल भुलैया' मा विद्या बालन मञ्जुलिका बनेकी थिइन् भने अक्षय कुमार डाक्टर आदित्य। प्रियदर्शनले निर्देशन गरेको फिल्मलाई दर्शकले खुब रूचाएका थिए।
सन् २०२२ मा प्रदर्शन भएको फिल्म 'भूल भुलैया २' मा कार्तिक आर्यनले अक्षय कुमारको ठाउँ लिएका थिए। अनीस बज्मी निर्देशित फिल्ममा तब्बूले चुडेलको भूमिका निर्वाह गरेकी थिइन्।
