वेब सिरिज 'मिर्जापुर' अब फिल्म बन्ने भएको छ।
सोमबार अभिनेता फरहान अख्तरले इन्स्टाग्राममा एक भिडिओ पोस्ट गर्दै फिल्म निर्माण घोषणा गरेका हुन्। सार्वजनिक भिडिओमा दिव्येंदु फर्किएको देखाइएको छ। जसले वेब सिरिजमा मुन्ना त्रिपाठीको भूमिका निर्वाह गरेका थिए। मुन्ना पात्रलाई दोस्रो सिजनमा मारिएको थियो। भिडिओमा पंकज त्रिपाठी, अली फजल, अभिषेक बनर्जी र दिव्येंदुलाई देख्न सकिन्छ।
फिल्ममा पंकज त्रिपाठी, अली फजल, अभिषेक बनर्जी र दिव्येंदु बाहेक अन्य कलाकारको बारेमा जानकारी दिइएको छैन।
एक्सेल इन्टरटेनमेन्ट प्रोडक्सनले क्राइम थ्रिलर सिरिजको पहिलो पार्ट नोभेम्बर २०१८ मा र दोस्रो पार्ट अक्टोबर २०२० मा रिलिज गरेको थियो। त्यस्तै तेस्रो पार्ट जुलाई २०२४ मा रिलिज गरेको थियो।
गुरमीत सिंह निर्देशित फिल्म २०२६ मा रिलिज हुनेछ।
