भारतीय कमेडी शो 'द ग्रेट इन्डियन कपिल शो' मा नवजोत सिंह सिद्धु फर्किएका छन्।
उनी ५ वर्षपछि शोमा फर्किएका हुन्। उनी आफ्नी श्रीमतीसहित कपिल शर्माको शोमा पुगेका छन्।
सिद्धुले सामाजिक सञ्जालमा एक भिडिओ पोस्ट गर्दै उक्त जानकारी दिएका हुन्। सार्वजनिक भिडिओमा उनी अर्चना पूरन सिंहको कुर्सीमा बसेको देख्न सकिन्छ। तर उनी शोमा अतिथिको रूपमा देखिन लागेका हुन्।
अर्चनाले भनेकी छन्, 'कपिल तिमीले सरदार साहबलाई भनेर मेरो कुर्सीबाट उठ्न भन त। उनले कब्जा जमाएर बसेका छन्।'
अर्चनाको कुरा सुनेर शोमा आएका हरभजन सिंह पनि नवजोत सिंह सिद्धुलाई समर्थन गरिरहेको देखिएको छ। हरभजनले भनेका छन्, 'कुर्सीमा जो बसे पनि त्यो सिद्धु बन्न सक्दैन।'
