दक्षिण भारतीय अभिनेता अल्लु अर्जुन र अभिनेत्री रश्मिका मन्दना अभिनीत फिल्म 'पुष्पा २' को गीत सार्वजनिक गरिएको छ।
सोमबार निर्माण टिमले फिल्ममा समावेश 'किसिक' बोलको लिरिकल गीत सार्वजनिक गरेका हुन्। लोथिका र सुबलाशिनीको स्वर रहेको गीतमा डिएसपीको संगीत छ।
फिल्मको पहिलो पार्टलाई 'पुष्पाः द राइज' को भनिएको थियो भने दोस्रो पार्टलाई 'पुष्पाः द रूल' भनिएको छ। 'पुष्पाः द राइज' मा जुन मोडमा कहानी छोडिएको थियो, त्यसले दर्शकमाझ कौतूहलता बढाएको छ।
'पुष्पा २' ले बक्स अफिसमा पनि राम्रो कमाइ गर्ने फिल्मकर्मीको आशा छ।
सुकुमार निर्देशित फिल्ममा अल्लु अर्जुन, रश्मिका मन्दना र फहद फासिलको मुख्य भूमिका रहनेछ। यो फिल्म ५ डिसेम्बरदेखि रिलिज हुनेछ।
